തളര്ന്നു പോയ തനുവും
ഉണര്ന്നിരിക്കുന്ന മനവും
കുതിക്കുവാന് വെമ്പുന്ന
മോഹത്തെ തടവിലാക്കുമോ
ഇടറും പാദങ്ങളുറപ്പിക്കുവാന്
കൈത്താങ്ങൊന്നായ് തീരുവാന്
അകലെയാകിലും അരികിലായ്
മനോബലം പകര്ന്നേകുകില്ലേ
ഉഴറുന്ന മിഴികളില് കാഴ്ച
മങ്ങിയതായ് തീരവേ
തെളിവോടെ മുന്നോട്ട് നയിക്കുവാന്
അലിവോടെ മുന്നിലണയുകില്ലേ
പതറുന്ന ചിന്തകളെ
ചിതറാതെ കൂടെ നിര്ത്തുവാന്
ചിതലരിക്കാത്ത ഓര്മ്മകളുമായ്
ചിരകാലവും കൂട്ടായ് തീരുകില്ലേ
