കാത്തിരിപ്പൂ ഞാനിവിടെ
കണ്ണാ നീയെന്നരികിലെത്താൻ
രാഗവിലോലയാം രാധയായ്
കാതോർക്കയായ് നിൻ കാലൊച്ച കേൾക്കുവാൻ
യദുകുലമുണരും വേണുഗാനത്തിനായ്
യമുന തീരത്തുയിർകൊള്ളുവാൻ
തുളസീമാലയായ് നിന്നെ പുണരുവാൻ
ഇനിയൊരു ജന്മം തന്നീടുമോ
ഓടക്കുഴലായ്‌ മാറിയെങ്കിൽ
നിന്നധരപുടങ്ങളിൽ തപസ്സിരിക്കാം
പൊന്നിൻ കിങ്ങിണിയായ് തീർക്കുമെങ്കിൽ
അരമണിയായ് പതിഞ്ഞു ചേരാം
അഴലിന്റെ ആഴങ്ങളിൽ നിപതിച്ചാൽ
കനിവിന്റെ നിറവുമായ്‌ അരികിലിലെത്താൻ
ഹൃദയമുരളികയിൽ ഗാനമുയരുമ്പോൾ
രാഗമാലികയായ് നീയണയുകില്ലേ....
No comments:
Post a Comment